AJALI MBAYA YATOKEA MAFINGA

baada ya ajali hiyo, 

Inavyoonekana kwa nyuma

hii ni sehemu ya mbele ya gari hilo

Scania lililogongwa kwa nyuma

Sehemu ambayo gari hilo dogo liliingia

AJALI mbaya iliyohusisha gari dogo aina ya Land Rover Freelander lenye namba T368 CVK na roli la mizigo aina ya Scania lenye namba T346 BRF imetokea usiku wa juzi katika eneo la Lugemba, kilomita kadhaa kabla ya kufika mji wa Mafinga.

Taarifa za awali zinaonesha kwamba dereva wa gari hilo jina lake bado halijapatikana alifariki papohapo baada ya gari yake kuingia mvunguni mwa roli hilo lililokuwa limepaki kandokando ya barabara ya Mafinga Mkoani Iringa, akiwa katika mwendo mkali.

Mwanafunzi wa kike wa Chuo Kikuu cha Tumaini aliyekuwemo katika gari hilo amenusurika kufa; binti huyo ambaye pia jina lake halikupatikana amelazwa katika hospitali ya wilaya ya Mufindi baada ya kujeruhiwa vibaya ikiwa ni pamoja na kukatika mkono.

Mashuhuda wa tukio hilo wamesema ajali hiyo ilitokea majira ya saa 3 usiku. Na baada ya ajali hiyo wasamalia wema waliukimbiza mwili wa marehemu na majeruhi katika hospitali ya wilaya ya Mufindi.

Jeshi la Polisi limethibitisha kutokea kwa ajali hiyo na taarifa za awali zinaonesha dereva wa gari hilo alikuwa amelewa wakati akiendesha gari hilo.