MAMLAKA YA CHAKULA NA DAWA (TFDA) YAFANYA ZIARA LEO KATIKA SHULE YA SEKONDARI KAZAMOYO ILIYOPO IKWIRIRI - RUFIJI PWANI

Mamlaka ya dawa na chakula nchini (TFDA) imefanya ziara yake leo katika shule ya sekondari Kazamoyo iliyopo wilaya ya Rufiji mkoani Pwani.

TFDA Ni mamlaka ianayofanya kaza ndani ya wizara ya afya na hasa kuhakikisha kunapatikana udhibiti mzuri wa matumizi ya vipodozi ili kuokoa afya za watanzania kwa ujumla. Udhibiti huu unaanzia pale ambapo kipodozi kinatoka hadi kufika kwa mtumiaji.

TFDA Imeweza kutoa mafunzo mbalimbali kwa wanafunzi pamoja na walimu yanayohusu matumizi ya vipodozi. Kwani imeonekana asilimia kubwa ya watanzania wanatumia vipodozi ambavyo vina athari kiafya. Hivyo TFDA imeweka bayana vipodozi ambavyo ni tatizo kwa mwanadamu na vile ambavyo si tatizo kwa mwanadamu. Vipodozi ambavyo ni tatizo kwa mwanadamu TFDA walijaribu kuvionesha vichache ambavyo walikuwa navyo kwa muda huo na utavikuta katika picha hapo chini, ila kwa maelezo zaidi na ufafanuzi zaidi unaweza kuwatembelea katika ofisi zao zilizopo maeneo mbalimbali hapa nchini, kwa wale wa Dar Es Salaam ofisi za TFDA zipo pale Mabibo barabara ya mandela.

MATUKIO KATIKA PICHA

Wawezesha wa TFDA wakijipanga kutoa somo kwa wenyeji wao

Wanafunzi wa Shule ya sekondari Kazamoyo wakiwa makini kusikiliza somo

Mwezeshaji akiendelea kutoa somo

Walimu wa Shule ya Sekondari Kazamoyo wakiwa makini kumsikiliza mwezeshaji akitoa somo

Mwezeshaji akikielezea kipodozi cha JARIBU namna kilivyokuwa na athari katika mwili wa mwanadamu

Walimu na wanafunzi wakiwa makini kusikiliza somo

Mkuu wa Shule ya Sekondari Kazamoyo ndugu George N. Muhoji akikiangalia kwa umakini kipodozi aina ya Carlolight ambacho ni hatari zaidi kwa watumiaji.